Skip to main content

Puntoycoma, gaztelaniazko kontsultagunea

By Patxi
Europar Batzordeko gaztelaniaren itzulpen unitateen berripapera eta foroa da Puntoycoma. Urtean sei zenbaki inguru sareratzen dituzte.

Berripaper honi alderdi interesgarriak ikusten dizkiot:
  • Itzulpen arazo batzuei buruzko ikuspuntua kontsultatzea.
  • Frantsesez edo atzerriko hizkuntza batzuetan (ingelesez, batez ere) eratutako terminoak nondik nora sortu diren ezagutzea.
  • Beste itzultzaile talde batzuen kezken berri hartzea.
Puntoycomak aurkibide analitikoa eskaintzen du, non aztertu eta proposatutako hainbat termino, esapide... ikus daitezkeen. Iruditzen zait praktikoa izan daitekeela guri dagozkigun hainbat zalantza argitzeko.

---
Mikel

Comments

Anonymous said…
Oso interesgarria. Ikusia nuen, baina ez naiz asko ibili.

Gainbegiratu bat ematean, "de la Unión" izeneko sarrera bat aurkitu dut, mintegi-saioan hitz egindako gai bati dagokiona eta honela dioena:

De la Unión. Parece que el Tratado de «Mastrique» (cfr. p.ej. Lope de Vega), por el que nace la Unión Europea, hará necesario un adjetivo en castellano correspondiente al sustantivo Unión (p. ej., los países ¿«unidos»?, los pesqueros ¿«unitarios»? o las empresas ¿«unificadas»?. Se agradecen todas las sugerencias. Antonio Ballesteros.

Aspalditxokoa da iruzkina, ikusten denez. Gaur egun, itxura guztien arabera, comunitario da adjektibo hori. Hala ere, zerrendan ez da halako sarrerarik ageri.

Euskaraz, lehengoan esandakoaren arabera, nagusiki "Erkidegoko" edo "Erkidegoaren" erabiltzen dela dirudi (maiuskulaz), baina oso zentzuzkoa iruditzen zait Maria Luisaren oharra. "Europar Batasuneko" eta "Europar Batasunaren" ("Bareko" soila esatea gogortxo gertatzen bazaigu, nor ausartu "Batasuneko" edo "Batasunaren" esatera?...), "Europar/Europako Erkidegoaren/ko"...

Euskaltermen "comunitario" bilatuz gero, ia erabat "Erkidegoko" eta "Erkidegoaren" ageri dira. Adibidez,
derecho comunitario (es), Erkidegoko zuzenbide (eu).

Patxi
5/17/2007 3:53 PM
Post a Comment

Popular posts from this blog

Itxiera-ordutegia

By Patxi
Irratian entzun dut gaur goizean iragarki bat, Herrizaingo Sailarena, (tabernen) "itxiera-ordutegiak" betetzearen aldekoa. Ez dakit burmuinaren txokoren batean "etxera-ordua" ez ote dugun ikusten... Bestela, nire uste oraingo honetan ere harro samarrean, "ixteko orduak" zaindu behar lirateke: ez "itxiera", eta ez "ordutegia". Zer diozue zuek? Patxi
36 comments
Read more

Zehapenak eta zigorrak

By Patxi
Gaurko GAO tik: «Beheko zerrendako zigor espedienteen Foru Aginduak (zigor-jardunbidea hastekoa) jakinarazten saiatu arren, horrek ondoriorik izan ez duenez, iragarki honen bidez jakinarazten dira, 1992ko azaroaren 26ko Herri Administrazioen Araubide Juridikoaren eta Administrazio Prozedura Erkidearen 30/1992 Lege ak, 59. artikuluko 5. zenbakian agintzen duenaren arabera. Interesatuek jakin dezaten ematen da horren berri eta interesatu horientzat banakako jakinarazpen balioa izan behar du». Atzoko BAO tik: «Zigortzeko espedienteari ebazpen proposamenaren jakinarazpena ehizari buruzko BI-60/2010. / Notificación de la propuesta de resolución del expediente sancionador de caza BI-60/2010». (Gero bada zehapen bat edo beste). 30/1992 Legearen euskal testua k zehapen, zehapen-prozedura eta halakoak darabiltza etengabe, eta uste dut zuzenbidearen arloan aipatu samarra dela zehapen/zigor bereizkuntza. Ez genuke hitz hori erabili behar testuetan?; ez zaigu sinesgarria iruditzen oraind...
8 comments
Read more

Mendetasuneko pertsonak

By Patxi
Testu hau Ezintasun mailak izenekoaren jarraipena da. Osteguneko saioan, ikusi genuen hitz zehatz bat behar dugula "dependencia" kontzeptua adierazteko ("Ley de dependencia" eta abar adierazi beharra dago: Itzul-en behin galdetu zen, eta inork erantzunik eman ez!). Ikusi genuen, orobat, hitz horrek ezintasun eta ez-gaitasun hitzez bestelakoa izan beharko duela. Aipatu genituen "laguntza beharra", "besteren beharra" eta abar, baina ordainik beteena mendekotasun dela atera genuen ondorio ( menpeko ere badago Hiztegi Batuan, eta mendeko -ren sinonimoa dela dio, baina eratorririk bat bera ere ez dute sartu, eta bai aldiz mendeko -renak, eta hortik ondoriozta daiteke erro hori hobesten dela). Horrekin batera, mendetasun ere badagoela ikusi genuen, esanahi berarekin. Hortik aurrera, beste bi kontu daude erabakitzeko: lehena, mende(ko)tasun sustantiboa hartu ondoren, zer adjektibo edo izenlagun hartu "persona dependiente" adierazteko; bigar...
9 comments
Read more