Skip to main content

Hurrengo mintegi saioa

By Patxi
(Posta elektronikoz Gifamira bidalitako proba; barka ez bada behar bezain ongi ateratzen)

Hurrengo mintegi saioa, dakizunez, Elhuyar Fundazioko Alfontso Mujikarekin egingo dugu. Gogoan izan behar duzue saioa ekainaren 14an egitekoa genuela, baina astebetez atzeratu behar izan dugu. Beraz, 2007ko ekainaren 21ean egingo dugu, Aldundiko sotoko aretoan.

Alfontso Mujika prest azaldu da guk nahi genituzkeen gaiak, ahal duen neurrian, aztertzeko saioan. Horretarako, jakina, proposamenak edo eskaerak garaiz egin behar dizkiogu.

Ongi iruditzen bazaizue, Gifamin bertan egin ditzakezue proposamenak, mezu honi erantzunez.

Gotzon Egia

Comments

Anonymous said…
Badaezpada, gai faltan estutasunik sor ez dadin... bizpahiru botako ditut nik:
- Behin baino gehiagotan aipatu dugu Ingurumen Hiztegia delako bat. Uste dut Eusko Jaurlaritzako Ingurumen Sailaren enkarguz, edo elkarlanean, Elhuyarrek landutako hiztegi bat dela. Sarean jarriko ote den edo aipatu izan dute ("ingurumen-inpaktu" edo "ingurumen-eragin" terminoaz Itzul zerrendan hitz egitean, esaterako), baina oraingoz ez dago. Seguru Alfontsok ongi ezagutzen duela lan hori, eta lagin interesgarri askoa eman diezagukeela.
- Adjektibo erreferentzialen kontua, hizkera arruntari nahiz teknikoari dagokionez, oso jorratua izan behar dute Elhuyarren. Jakinik ere administrazio-hizkera ez dutela beren langai nagusien artean, ikuspegi aski interesgarri bat eman lezake Alfontsok.
- Administrazio-hizkeraz berariaz orain arte asko ez arduratuagatik, alor horretako testu batzuen analisi bikaina egin lezake, herritar aditu gisa. Alegia, taldeak testuren bat(zuk) hautatu eta Alfontsok iruzkintzeaz ari naiz.

Bota gehiago, non hautatua izan dezan!

Patxi
5/16/2007 2:56 PM
Anonymous said…
Patxik azaldutako gaiez gain, ez dakit zer irudituko zaizuen Alfontsori marratxoaren gaiaz ere galdetzea. Alegia, Elhuyarrek marratxoaren erabilerari zer iritzi dion galdetzea.
Beste asmorik gabe, tartetxo batean haien irizpidea ezagutzea baino ez.
5/17/2007 10:05 AM
Anonymous said…
gifami.blogspot.com is very informative. The article is very professionally written. I enjoy reading gifami.blogspot.com every day.
money loans
loans
11/24/2009 5:23 AM
Post a Comment

Popular posts from this blog

Itxiera-ordutegia

By Patxi
Irratian entzun dut gaur goizean iragarki bat, Herrizaingo Sailarena, (tabernen) "itxiera-ordutegiak" betetzearen aldekoa. Ez dakit burmuinaren txokoren batean "etxera-ordua" ez ote dugun ikusten... Bestela, nire uste oraingo honetan ere harro samarrean, "ixteko orduak" zaindu behar lirateke: ez "itxiera", eta ez "ordutegia". Zer diozue zuek? Patxi
36 comments
Read more

Zehapenak eta zigorrak

By Patxi
Gaurko GAO tik: «Beheko zerrendako zigor espedienteen Foru Aginduak (zigor-jardunbidea hastekoa) jakinarazten saiatu arren, horrek ondoriorik izan ez duenez, iragarki honen bidez jakinarazten dira, 1992ko azaroaren 26ko Herri Administrazioen Araubide Juridikoaren eta Administrazio Prozedura Erkidearen 30/1992 Lege ak, 59. artikuluko 5. zenbakian agintzen duenaren arabera. Interesatuek jakin dezaten ematen da horren berri eta interesatu horientzat banakako jakinarazpen balioa izan behar du». Atzoko BAO tik: «Zigortzeko espedienteari ebazpen proposamenaren jakinarazpena ehizari buruzko BI-60/2010. / Notificación de la propuesta de resolución del expediente sancionador de caza BI-60/2010». (Gero bada zehapen bat edo beste). 30/1992 Legearen euskal testua k zehapen, zehapen-prozedura eta halakoak darabiltza etengabe, eta uste dut zuzenbidearen arloan aipatu samarra dela zehapen/zigor bereizkuntza. Ez genuke hitz hori erabili behar testuetan?; ez zaigu sinesgarria iruditzen oraind...
8 comments
Read more

Vengo en disponer

By Patxi
DECRETO FORAL 74/2007, de 24 de julio, por el que se dispone el cese en sus funciones del Director General de Deportes. Conforme a lo establecido por los artículos 31.4.d), 40.2.b) y 45 de la Norma Foral 6/2005, de 12 de julio, sobre Organización Institucional, Gobierno y Administración del Territorio Histórico de Gipuzkoa, a propuesta del Diputado Foral del Departamento de Deportes y Acción Exterior, previa deliberación del Consejo de Diputados en sesión de 24 de julio de 2007, Vengo en disponer el cese en sus funciones, del Director General de Deportes, D. Iñaki Ugarteburu Artamendi, agradeciéndole los servicios prestados. Donostia-San Sebastián, 24 de julio de 2007. EL DIPUTADO GENERAL, Markel Olano Arrese. Vengo en disponer y dispongo (y las comas, donde quiero las pongo). Y mal que os pese, donde debo decir destitución, digo cese. ¿Lenguaje llano? Me niego de plano. (Ante tanto disimulo , me parto el...). Patxi PD: Hurrengo erabakia honako hau da: "Vengo en nombrar Director G...
6 comments
Read more