Hauxe da azken adibidea:
laguntzaren organo kudeatzailea ('órgano gestor de la ayuda')Iturria: 118/2007 DEKRETUA, uztailaren 17koa, lana eta familia bateragarri egiteko neurriak arautzen dituena.
Nire uste ez oso apalean, "laguntza kudeatzeko organoa" esan beharra dago, nahitaez. Beste adibide bat ere badut inoiz kontatu gabea: Koroaren printze oinordekoa ('príncipe heredero de la Corona'; arazoa bera da, baina aitortu beharra daukat horretan irtenbidea ez dela hain garbia).
Gainerako gehientsuena, ustez, esana daukat hemen.
Minturte berri on! (Zaharrak berri, berriak berriago). Ostegun arte (prestaketan dihardugu; esan ote dezakegu horrela, aditz-forma hori galarazteko beldurrik gabe?).
Patxi
1 comment:
Oso gustura entzuten ditugu guk zure esanak, lehendik entzunak izan zein ez. Izan ere, zenbait kontu, zuk dakarzuna esaterako, tarteka gure buruei gogoraraztea eta (berr)ikusaraztea komeni da.
Gainera, bihar ezingo gara mintegi-saiora joan, lanaz gain bi batzorde ditugulako. Pena...
Post a Comment