Skip to main content

Hizkuntza zaintzearen garrantzia

By Patxi
Merezi du irakurtzea lehengoan Henrike Knörrek El Pais egunkarian idatzitako artikulua. Knörr kexu da ETB barruan hizkuntzen zaintzari, batez ere euskararenari, ematen ez zaion arretaz. Egia esan, zer pentsaturik ematen du artikuluak.
 
Lasaia hartzen dut bulegoko armairuan (eta nabigatzaileko barran) hiztegi, gramatika, entzikopedia eta kontsultako gainerako liburuak ikusten ditudanean.
 
Artikulua irakurtzeko, sakatu hemen: http://doiop.com/las-lenguas-y-ETB
 
---
Mikel

 

Comments

Anonymous said…
...Y nadie les ha dicho que existe el nivel de lengua, de tal manera que odontólogo, dentista y sacamuelas no se pueden usar indistintamente, y tampoco en euskara "bikain" y "dexente"...

Beti bezala, gaztelerako adibidea oso garbia; euskarakoa, berriz,... "dexente" kolokiala al da?
Bustidura edo gazteleratik etortzea al da arrazoia?
zeren eta nik "eztabaida dezente (dexente) sortu dituzte Ibarretxeren hitzek" ez baitut parekatzen "Las palabras de Ibarretxe han creado mogollón de discusiones"ekin. Zuek bai?
Nik ez dut ikusten erregistroak nahasten direnik hemen: "eztabaida bikain dezente sortu dituzte Ibarretxeren hitzek". Zuek bai?
"Las palabras de Ibarretxe han suscitado mogollón de discusiones"en bi erregistro daude nahasita "suscitado" eta "mogollón" horiek erakusten duten bezala. Euskarazko adibidean ere hori gertatzen al da?
10/02/2007 2:36 PM
Anonymous said…
Horretan arrazoi duzu, Xabier.

Gainerakoan, artikuluak sortu didan lehen inpresioa botako dut: auzia, bizia, gazia, gezia (Gaia: ETBG puntua).
10/02/2007 3:29 PM
Anonymous said…
Xabier, zurekin bat nator ni ere.
10/05/2007 12:39 PM
Post a Comment

Popular posts from this blog

Itxiera-ordutegia

By Patxi
Irratian entzun dut gaur goizean iragarki bat, Herrizaingo Sailarena, (tabernen) "itxiera-ordutegiak" betetzearen aldekoa. Ez dakit burmuinaren txokoren batean "etxera-ordua" ez ote dugun ikusten... Bestela, nire uste oraingo honetan ere harro samarrean, "ixteko orduak" zaindu behar lirateke: ez "itxiera", eta ez "ordutegia". Zer diozue zuek? Patxi
36 comments
Read more

Zehapenak eta zigorrak

By Patxi
Gaurko GAO tik: «Beheko zerrendako zigor espedienteen Foru Aginduak (zigor-jardunbidea hastekoa) jakinarazten saiatu arren, horrek ondoriorik izan ez duenez, iragarki honen bidez jakinarazten dira, 1992ko azaroaren 26ko Herri Administrazioen Araubide Juridikoaren eta Administrazio Prozedura Erkidearen 30/1992 Lege ak, 59. artikuluko 5. zenbakian agintzen duenaren arabera. Interesatuek jakin dezaten ematen da horren berri eta interesatu horientzat banakako jakinarazpen balioa izan behar du». Atzoko BAO tik: «Zigortzeko espedienteari ebazpen proposamenaren jakinarazpena ehizari buruzko BI-60/2010. / Notificación de la propuesta de resolución del expediente sancionador de caza BI-60/2010». (Gero bada zehapen bat edo beste). 30/1992 Legearen euskal testua k zehapen, zehapen-prozedura eta halakoak darabiltza etengabe, eta uste dut zuzenbidearen arloan aipatu samarra dela zehapen/zigor bereizkuntza. Ez genuke hitz hori erabili behar testuetan?; ez zaigu sinesgarria iruditzen oraind...
8 comments
Read more

Altzari higigarriak

By Patxi
Askok jakingo duzuenez, Gipuzkoako Foru Aldundiak zentro berri bat zabalduko du laster Irunen, URI izeneko lantegia izandako eraikinean. Zentro horretan kultura ondareko elementuak gorde eta zainduko dituzte: batez ere, indusketa arkeologikoetatik bildutako tresnak, Aldundiaren jabetzakoak diren arte lanak, eta gisakoak. Gazteleraz, zentroaren izen osoa hauxe izango da: (1) Centro de Depósito y Conservación del Patrimonio Cultural Mueble de Gipuzkoa Euskarazko izena emateko eskatu digutelarik, lehen-lehenik esan diegu burutik kentzeko «Gizartekintza - Departamento de Servicios Sociales» gisako ereduak. Guk izen orekatu bat proposatuko dugu, euskaraz oso, gazteleraz oso, hizkuntza bakoitzean era burujabean erabiltzeko modukoa. Esan diegu, baita ere, gaztelerazko izen luuuuze hori ondo egon daitekeela xedapenetan eta dokumentu guztiz ofizialetan erabiltzeko, baina hobe dutela horrekin batera erabilerarako izendapen laburrago bat eratzea, adibidez: (2) Centro de Patrimonio Mueble...
11 comments
Read more