2009/04/25

EGLU sarean

Ez dakit inon esan duen hau Euskaltzaindiak ofizialki, baina sarean jarrita dauzka EGLU gramatikaren liburuki guztiak eta Euskal gramatika laburra, PDF formatuan.

Web-orriaren goiko aldean ageri diren ataletatik, Iker-/Jagon-Tegiak izenekoa da lan hauetara iristeko bidea. Hurrengo pausoan Iker-Tegia aukeratu, eta hurrengoan Gramatika.

Bide beretik irits daiteke Iker bildumako liburuetan eta Euskera aldizkarian bilaketan egitera. Lehengo egunean, adibidez, Iker bildumako bilatokian "Goenaga" egile-izena sartuta laster iritsi ginen nahi genuen artikulura ("Subjunktiboaz eta aginteraz zenbait ohar: -en eta -ela atzizkien erabilera", Patxi Goenaga, Iker 10, 1997).

Arazo bat dago (edo dut nik, ez dakit): Mozillarekin ezin ditut ireki etxean EGLUak, eta Explorerrekin ere ez. Baina gaur arratsaldean beste leku batean arazorik gabe ireki ditut Explorerrekin, eta bilaketak ederki egin ere bai.

Patxi

1 comment:

Patxi said...

Uste dut etxeko Adobe Acrobat-en bertsioarena dela arazoa.

Bide batez, ariketa bat, nahi duenarentzat: wikian jarri EGLU sarrera hau. Testua kopiatu eta itsaste hutsarekin, liburuen linkak baliozko izango dira.

Egin beharrekoa: EGLU gehitu 'e' orrian, 'EGLU' orria sortu, eta han itsatsi goiko testu hau (bukaerakoa ezabatu lasai).

Boluntarioren bat baldin badago, hemen adieraz dezala, denak (!!) ez ibiltzeko lardaskan.

Animo! Lasai aritu, galdu ez baita ezer galduko.