Skip to main content

El español jurídico

By Patxi
Joan den asteko mintegian, Patxi Petrirenak gaztelaniazko hizkera juridikoari buruzko bi liburu aipatu zituen. Horietako bat El español jurídico zen, Enrique Alcaraz eta Brian Hughes-ek idatzia. Hor doakizue liburuaren edukien laburpena, norbaitek erosi nahi badu aurretik idazlana nondik nora doan jakin dezan.
Patxi, galdera bat sortu zait liburua dela-eta: noizko balizko Euskara juridikoa? Hi geratu hintzen aipatu bi liburuen bibliografiak ematekotan...

---
Mikel Azkarate

Comments

Anonymous said…
Deustukoek bazuten liburu mardul xamar bat euskara juridikoari buruz (ez daukat erreferentzia zehatza eskura).
Eta 2005ean argitaratu zuten liburu bat 2004ko azaroan eginiko sinposioaren agiriekin: "Hizkera juridikoa eta itzulpengintza: euskararen norabideak"
7/17/2007 12:38 PM
Anonymous said…
Liburua egoteak berak eta berri samarra izateak harritu naute, ez bainuen horren berri. Pozgarria eta interesgarria ere bada.

Erreferentzia lortuz gero, hori ematea eskertuko genizuke, Aitziber.
7/18/2007 8:51 AM
Anonymous said…
Aipatu dudan bigarren liburua bulegoan daukagu, nahi baduzu eramango dugu hurrengo mintegira. Ni sinposio hartan izan nintzen, oso gustura.
7/18/2007 1:29 PM
Anonymous said…
Barkatu, pot egon naiz (zin dagit 'out' idatzi nahi nuela, baina 'pot' atera da...). Hona hemen lehengoan eramandako bi liburuak eta Aitziberrek aipatutako biak.

El español jurídico
Enrique Alcaraz Varó; Brian Hughes
Ariel
Bartzelona, 2002


Libro de estilo Garrigues
Centro de Estudios Garrigues; Thomson-Aranzadi
Zizur Txikia, 2005

Hizkera juridikoa eta itzulpengintza: euskararen norabideak
Euskal gaien institutua. Deustuko Unibertsitatea.
Bilbo, 2005

Euskara, Zuzenbidearen hizkera
Euskara Juridikoaren Mintegia. Deustuko Unibertsitatea.
Bilbo, 1997
7/18/2007 5:02 PM
espanol jurídico said…
muy interesante el post.
3/10/2010 12:28 PM
Post a Comment

Popular posts from this blog

Itxiera-ordutegia

By Patxi
Irratian entzun dut gaur goizean iragarki bat, Herrizaingo Sailarena, (tabernen) "itxiera-ordutegiak" betetzearen aldekoa. Ez dakit burmuinaren txokoren batean "etxera-ordua" ez ote dugun ikusten... Bestela, nire uste oraingo honetan ere harro samarrean, "ixteko orduak" zaindu behar lirateke: ez "itxiera", eta ez "ordutegia". Zer diozue zuek? Patxi
36 comments
Read more

Zehapenak eta zigorrak

By Patxi
Gaurko GAO tik: «Beheko zerrendako zigor espedienteen Foru Aginduak (zigor-jardunbidea hastekoa) jakinarazten saiatu arren, horrek ondoriorik izan ez duenez, iragarki honen bidez jakinarazten dira, 1992ko azaroaren 26ko Herri Administrazioen Araubide Juridikoaren eta Administrazio Prozedura Erkidearen 30/1992 Lege ak, 59. artikuluko 5. zenbakian agintzen duenaren arabera. Interesatuek jakin dezaten ematen da horren berri eta interesatu horientzat banakako jakinarazpen balioa izan behar du». Atzoko BAO tik: «Zigortzeko espedienteari ebazpen proposamenaren jakinarazpena ehizari buruzko BI-60/2010. / Notificación de la propuesta de resolución del expediente sancionador de caza BI-60/2010». (Gero bada zehapen bat edo beste). 30/1992 Legearen euskal testua k zehapen, zehapen-prozedura eta halakoak darabiltza etengabe, eta uste dut zuzenbidearen arloan aipatu samarra dela zehapen/zigor bereizkuntza. Ez genuke hitz hori erabili behar testuetan?; ez zaigu sinesgarria iruditzen oraind...
8 comments
Read more

Mendetasuneko pertsonak

By Patxi
Testu hau Ezintasun mailak izenekoaren jarraipena da. Osteguneko saioan, ikusi genuen hitz zehatz bat behar dugula "dependencia" kontzeptua adierazteko ("Ley de dependencia" eta abar adierazi beharra dago: Itzul-en behin galdetu zen, eta inork erantzunik eman ez!). Ikusi genuen, orobat, hitz horrek ezintasun eta ez-gaitasun hitzez bestelakoa izan beharko duela. Aipatu genituen "laguntza beharra", "besteren beharra" eta abar, baina ordainik beteena mendekotasun dela atera genuen ondorio ( menpeko ere badago Hiztegi Batuan, eta mendeko -ren sinonimoa dela dio, baina eratorririk bat bera ere ez dute sartu, eta bai aldiz mendeko -renak, eta hortik ondoriozta daiteke erro hori hobesten dela). Horrekin batera, mendetasun ere badagoela ikusi genuen, esanahi berarekin. Hortik aurrera, beste bi kontu daude erabakitzeko: lehena, mende(ko)tasun sustantiboa hartu ondoren, zer adjektibo edo izenlagun hartu "persona dependiente" adierazteko; bigar...
9 comments
Read more