Bi hiztegi, zuzenbide arlokoak

Hona hemen urtarrileko mintegi-saioan aipatutako bi hiztegien fitxa bibliografikoak, HABEren liburutegitik jaso bezala:

ADMINISTRAZIO zuzenbideko berbategia: gaztelania-euskara, euskara-gaztelania = Vocabulario de derechoadministrativo : castellano-euskara, euskara-castellano / Cesar Gallastegi ... [et al.]. -- Bilbo : Deustuko Unibertsitatea, 2005. -- 70 or. -- Zuzenbidea. Minor Bilduma = Derecho. Serie Minor ; 3) Vocabulario de derecho administrativo : castellano-euskara, euskara-castellano
ISBN 84-9830-001-0
1. Administrazio zuzenbidea-Hiztegiak 2. Euskara-Hiztegiak-Gaztelania 3. Gaztelania-Hiztegiak- Euskara I. Gallastegi, César
Euskal Biblioteka 342.9(038) GAL adm


OINARRIZKO Hiztegi Juridikoa: Euskaltzaindiaren Hiztegi Batuko lehen itzulian oinarritua / Cesar Gallastegi ... [et al.]. -- Bilbo : Deustuko
Unibertsitatea, 2005. -- 83 or. -- (Zuzenbidea. Minor Bilduma = Derecho. Serie Minor ; 4)
ISBN 84-9830-000-2
1. Zuzenbidea-Hiztegiak 2. Euskara-Hiztegiak I. Gallastegi, César
Euskal Biblioteka 34(038) GAL oin

Hierundiatuz

Bromako titulu honekin, gogorarazi nahi dizuet gaztelaniazko gerundioen ordainetan erabiltzen ditugun egituren gaia atera dela azken bi saioetan, gutxienez, eta interesgarri genukeela adibide batzuk biltzea. Azken saioan (2005-01-26), kasu bat aztertu genuen eta desegokitzat jo:

Halako puntua aldatzea, honela utziz.
Halako puntua aldatzea, eta honela uztea.

Baina iruditu zait denak ez daudela konforme aurreko saioan ikusitako (eta batzuok ontzat emandako) esaldi batekin:

Halako egunetan, idatzi bat aurkeztu du, zera eskatuz.

Azken saioan, ahoz erabiltzen dugun "deitu du, zera esanez" horrekin parekatu nuen nik. Baina beharbada gehiago hitz egin behar dugu horretaz. Oso gogoan dut, bestalde, adibide horretan nagusi/menpeko hierakia aldatuta mezua kasik hobeki adierazten dela:

Halako egunetan aurkeztutako idatzi batean, zera eskatu du.

Bildu adibideak, otoi.

"Espezialitate hizkerak eta terminologia" jardunaldien inguruan

EHUk antolatutako "Espezialitate hizkerak eta terminologia" jardunaldien berri eman zuten Donostia Egunean Erabili.com web orrian.

Esaten dutenez, hitzaldi batzuk aukeratu eta Erabili.com-en eta Euskara Institutuaren web orrian eskainiko dituzte. Ea bada!